२८ असार २०८३, आइतबार
रुसमा संविधान संशोधनका लागि गरिएको जनमतसंग्रहमा बहुमत रुसीहरूले संशोधनको पक्षमा भारी बहुमत दिएका छन् । सबै मत गनिसक्दा पक्षमा ७८ प्रतिशत मत परेको अनि २१ प्रतिशत विपक्षमा परेको त्यहाँको निर्वाचन आयोगले जनाएको छ ।
एक हप्तादेखि जनमतसंग्रहमा मतदान भइरहेको छ । कुल २०६ वटा संशोधनका लागि मत लिइएको थियो ।
६५ प्रतिशत मतदान भएको आकलन गरिएको छ ।
रुसीहरूका लागि अन्य संशोधन समेत महत्त्वपूर्ण भए पनि बाँकी विश्वलाई राष्ट्रपति भ्लादिमिर पुटिन सत्तामा लामो समय रहन पाउने कुरामा चासो छ ।
पुटिनलाई सन् २०३६ सम्म सत्तामा राख्नका लागि संशोधन गरिएको प्रावधानलाई बहुमत जनताले स्वीकार गरेको पाइएको छ ।
पुटिनको वर्तमान कार्यकाल समाप्त भएपछि पनि उनले ६–६ वर्षको थप दुई कार्यकाल चलाउन पाउने भएका छन् ।
