२५ जेठ २०८३, सोमबार
नेपाल कम्युनिस्ट पार्टी (नेकपा) को स्थायी कमिटी बैठक शुरू भएको छ ।
बिहान ११ बजेका लागि बोलाइएको बैठक अपराह्न ४ बजे शुरू भएको हो ।
राष्ट्रपति विद्या भण्डारीसँग भेटवार्ता गरेर नेकपा अध्यक्ष पुष्पकमल दाहाल 'प्रचण्ड' प्रधानमन्त्री निवास बालुवाटार फर्केपछि बैठक शुरू भएको हो ।
बैठकको शुरूमा विकसित घटनाक्रमबारे प्रचण्डले बोलिरहेका छन् ।
स्थायी कमिटी बैठकअघि प्रचण्ड, माधवकुमार नेपाल, झलनाथ खनाल, वामदेव गौतम र महासचिव विष्णु पौडेलबीच बालुवाटारमै छलफल भएको थियो ।
बिहान प्रचण्डले प्रधानमन्त्री केपी ओली पक्षका नेताहरूसँग परामर्श गरेका थिए ।
मंगलवारको बैठकमा प्रचण्डलगायत शीर्ष नेताले ओलीको राजीनामा माग गरेपछि नेकपा भित्रको विवाद उत्कर्षमा पुगेको छ ।
बिहीवारको स्थायी कमिटी बैठकमा ओली भने अनुपस्थित छन् ।
