काठमाडौं १७ वैशाख –नयाँ शक्ति नेपालका संयाृजक एवं पूर्व प्रधानमन्त्री डा. बाबुराम भट्टराईले प्रधानन्यायाधीश सुशीला कार्कीविरुद्ध महाभियोग प्रस्ताव दर्ता गरेर देशलाई असफल राज्य बनाउन खोजिएको आरोप लगाएका छन् ।

सामाजिक सञ्जाल ट्वीटरमा आइतवार सन्देश लेख्दै भट्टराईले महाभियोगको हतियार दुरूपयोग गरिएको बताएका हुन् । ‘राज्यका सबै अंग एक पछि अर्को भत्काएर देशलाई असफल राज्य बनाउन लागेकै हो त ?’ भट्टराइले लेखेका छन, ‘महाभियोगको हतियार यसरी दुरूपयोग हुँदै गए लोकतन्त्र कसरी सुरक्षित हुन्छ ?’

सरकारको कार्यकारी अधिकार दुरुपयोग गरेको भन्दै आइतवार नै नेपाली काग्रेस र माओवादी केन्द्रका सांसदहरूले प्रधानन्यायाधीश विरुद्ध संसदमा महाभियोग प्रस्ताव दर्ता गरेका थिए ।