०१ असार २०८३, सोमबार
नहर सरसफाईको बहाना बनाएर बस्ती नै जोखिममा पर्ने गरी उत्खनन् भएको भन्दै बुटवलको पुुलचोकबासी विरोधमा उत्रिएका छन् ।
बुुटवल उपमहानगरपालिकाले सोह्र छत्तीस मौजा सिचाइको मुुहानबाट नदीजन्य पदार्थ बिक्री वितरणका लागि ठेक्का लगाएको छ ।
बुुटवल–३ मा पर्ने सिचाइको मुुहानबासीले केही लाख रुपैयाँको आम्दानीको नाममा बस्ती नै जोखिममा पर्ने गरी ठेक्का गरेकाले नदीजन्य पदार्थ उत्खनन् तत्काल रोक्न माग गरेका हुुन् ।
टोलका अध्यक्ष राजुु पौडेलले नहरलाई सरसफाई गर्ने आडमा बस्तीमुुनिबाट उत्खनन् गरेको बताए । ‘पूर्वपश्चिम राजमार्ग अन्तर्गत पर्ने तिनाउको पक्की पुुलमाथि उत्खनन् गर्न पाइँदैन,’ पौडेलले भने, ‘नदीजन्य पदार्थ उत्खनन् सधैका लागि बन्द गरिनुुपर्छ । केही आम्दानीको नाममा बस्तीलाई जोखिममा पार्न हुुँदैन ।’
वडा नम्बर १, ५ र ७ मा निर्माण गरेको तटबन्ध जथाभावी तिनाउ दोहनले जोखिममा पर्ने खतरा छ । २०२७ र २०३८ सालमा ठूूलो बाढी आउँदा ठूूलो धनजनको क्षति पुुर्याएको थियो ।
तत्कालीन बुुटवल नगरपालिकाका उपमेयर बिमलबहादुुुर शाक्यले नहरको मुुहानबाट नदीजन्य पदार्थ उत्खनन् गर्दा बाढीको जोखिम बढेको बताए । उनले आम्दानीको स्रोतभन्दा बस्ती ठूूलो कुुरा रहेको बताए ।
यसअघि पनि नहर सरसफाई गरे मुुहानमा पसेको नदीजन्य पदार्थ नहरमुुनि फालिन्थ्यो तर अहिले बिक्री गरिएको हो । उपमहानगरपालिकाले ७ लाख ५० हजारमा नहरको नदीजन्य पदार्थ ठेक्का लगाएको संस्थाले बताएको छ ।
