इराकमा रहेको अमेरिकी सैन्य अड्डातर्फ गइरहेका अनि बन्दोबस्तीको सामान बोकेका पिकअप ट्रकहरूको एक जत्थामाथि लडाकूहरूले आक्रमण गरेका छन् । 

उनीहरूले ट्रक रोक्न लगाएर स्थानीय ठेकदारहरूलाई बाहिर निस्कन भने अनि ट्रकमा आगो लगाइदिए, स्थानीय सञ्चारमाध्यमले खबर दिएका छन् ।

घटना सामावाह–दिवानिया राजमार्गमा भएको हो । त्यहाँ बासराबाट अमेरिकाको एक सैन्य अड्डातर्फ सामान लिएर गाडी गइरहेको थियो । अज्ञात आक्रमणकारीहरूले शनिवार रात त्यसमा आक्रमण गरेका थिए । 

उक्त आक्रमणमा कोही हताहत भएको खबर छैन तर कम्तीमा तीनवटा गाडी पूर्ण रूपमा क्षतिग्रस्त भएका छन् । आक्रमण १० मिनेटभित्र भएको थियो । 

सामाजिक सञ्जालमा पोस्ट गरिएका भिडियो र फोटोमा आक्रमणपछिको अवस्था देख्न सकिन्छ । ट्रकमा दनदनी आगो बलेको देखिन्छ । 

अमेरिकाको नेतृत्वमा रहेका सुरक्षाबलहरू सरसामानको आपूर्तिका लागि स्थानीय ठेकेदारहरूमा निर्भर रहने गरेका छन् । 
 

A logistics convoy supplying American forces in #Iraq was targeted this evening between Samawah and Diwaniyah. Over the last few months, these particular convoys have been targeted by "Islamic Resistance" front groups. pic.twitter.com/Fe5jmCVw5z

— Joe Truzman (@Jtruzmah) July 11, 2020