१० साउन २०८३, आइतबार
आठ दशकभन्दा बढी समयसम्म संग्रहालयका रूपमा रहेको हाया सोफियामा शुक्रवारदेखि इस्लामिक प्रार्थना गर्न थालिएको छ ।
१५ दिनअघि टर्कीको एक अदालतले ऐतिहासिक हाया सोफियालाई संग्रहालय बनाउने आदेश वैध नभएको भनी फैसला दिएपछि त्यसलाई मस्जिद बनाइएको थियो ।
८६ वर्षपछि मुसलमानहरूले प्रार्थना गर्न पाएको क्षणमा टर्कीका राष्ट्रपति रेचेप तैयिप अर्दोआन पनि उपस्थित छन् । सत्तारूढ जस्टिस यान्ड डेभलोपमेन्ट पार्टी र टर्कीका अन्य राजनीतिक समूहका नेता पनि आएका छन् ।
अजरबैजान र कतार लगायतका मुलुकका नेता तथा गण्यमान्य व्यक्तित्वहरू पनि समारोहमा उपस्थित छन् ।
प्रार्थना इस्लामिक विधि तकबिर र सलावतका साथ शुरू हुनेछ ।
शुक्रवार आस्थावानहरू प्रार्थना गर्ने म्याट साथैमा लिएर आएका छन् । लाउडस्पीकरमा कुरानका आयतहरू सुनाइएका छन् ।
बिहीवार राष्ट्रपति अर्दोआनले हाया सोफिया विधिवत रूपमा उद्घाटन गरे । उनले हाया सोफिया विशाल मस्जिद लेखिएको नेमप्लेट पनि अनावरण गरे ।
