काठमाडौं, १९ वैशाख– आसन्न स्थानीय चुनाव अन्तर्गत काठमाडौं महानगरपालिकाको मेयरका लागि प्रमुख प्रतिपक्षी दल नेकपा एमालेले विद्या सुन्दर शाक्यलाई उठाउने भएको छ ।
एमालेमा काठमाडौंको मेयरमा उम्मेदवार छनोटको विषयमा तीब्र विवाद थियो । अन्तिममा अध्यक्ष केपी ओली निकट मानिने शाक्यले मेयरको टिकट पाएका हुन् ।
एमालेको काठमाडौं जिल्ला कमिटीले काठमाडौंको मेयरका लागि विद्या सुन्दरसहित सावित्रा भूसाल र जीवनराम श्रेष्ठको नाम पनि सिफारिस गरेको थियो ।
तर, अध्यक्ष ओलीले शाक्यको नाममा अडान लिएपछि उनी नै मेयरको उम्मेदवार बन्न सफल भएका हुन् ।
