काठमाडौं १९ वैशाख– काठमाडौं महानगरपालिकाको मेयरका लागि नेपाली कांग्रेसले राजुराज जोशीलाई उम्मेदवार बनाएको छ । कांग्रेस नेताहरुले पौने ५ बजे राष्ट्रिय सभागृहस्थित निर्वाचन अधिकृतको कार्यालयमा पुगेर जोशीको उम्मेदवारी दर्ता गरेका हुन् ।
लामो छलफल पछि काग्रेसले जोशीलाई मेयरको उम्मेदवार बनाएको हो । जोशी उद्योग मन्त्री नवीन्द्रराज जोशीका दाइ हुन् । उम्मेदवारी दर्ता गरेपछि उनले काठमाडौंको मेयरमा आफूले चुनाव जित्ने दावी गरेका छन् ।
कांग्रेसले काठमाडौंको उपमेयरमा हरिप्रभा डंगोललाई उपमेयरको उम्मेदवार बनाएको छ । गत संविधानसभा निर्वाचनमा काग्रेसले काठमाडौंका ६ सिटमा चुनाव जितेको थियो ।
