काठमाडौं, २१ वैशाख– मेक्सिकोका १८ वर्षिय विद्यार्थीले एक यस्तो ब्रा डिजाइन गरेका छन्, जसले सजिलैसँग ब्रेस्ट (स्तन) क्यान्सर पत्ता लगाउन सकिन्छ ।

यो नयाँ खोजका कारण ती किशोरलाई ‘ग्लोबल स्टुडेन्ट अन्ट्रप्रेनर’ अवर्डा समेत मिलेको छ ।

जुलियन रियो कान्टु नाम गरेका ती किशोरले आफ्नो आमाको कारण उक्त खोज सफल भएको बताएका छन् । उनकी आम ब्रेस्ट क्यान्सर पीडित थिइन्, जसबाट आफूले ब्रेस्ट क्यान्सर पत्ता लगाउने ब्रा निर्माणका लागि प्रेरणा मिलको ती किशोरको भनाइ छ ।

उक्त रोगका कारण जुलियनकी आमाका दुईवटै स्तनलाई अपरेशन गरेर हटाउनु परेको थियो ।

ब्रेस्ट क्यान्सर पत्ता लगाउने उक्त ब्रा जुलियनले आफ्ना तीनजना साथीसँगको सहकार्यमा बनाएका हुन् । जसको नाम ‘ईवा’ राखिएको छ ।

यो खास ब्रामा करिब २०० ओटा बायोसेन्सर्स जोडिएका हुन्छन्, जसले स्तनको माथिल्लो सहतको पत्ता लगाउनुका साथै स्तनको तापक्रम, आकार तथा तौलमा हुने परिवर्तनमाथि निगरानी गर्छ ।



जब एक अन्तर्वार्तामा जुलियनसँग सोधियो कि, स्तन क्यान्सर पत्ता लगाउनका लागि उनले ब्रा नै किन बनाए ? त्यसमा उनको जवाफ थियो, ‘किनकी ब्राको मद्दतले स्तन आफ्नो सही पोजिसनमा रहन्छन् । स्तन क्यान्सरको पत्ता लगाउन यो खास ब्रालाई एक हप्तामा एक घण्टाभन्दा बढी समय प्रयोग गर्नु जरुरी पर्ने छैन ।’

एजेन्शीहरुको सहयोगमा