३० असार २०८३, मंगलबार
चीनले एकैपटकमा पूरै एयरफील्डलाई ध्वस्त पार्न सक्ने नयाँ हतियार बनाएको दाबी गरेको छ । चीनको यो दाबीले अमेरिकाको निद्रा उडाएको छ ।
ग्लोबल टाइम्समा आएको खबरअनुसार, चीनले देशमै बनेको एयरबोर्न म्युनिसन्स डिसपेन्सर नामक हाइब्रिड हतियार बनाएको छ । यो आकाशबाट जमीनमा प्रहार गर्ने क्षेप्यास्त्र र सुरक्षित दूरीबाट विमानले खसाल्ने निर्देशित बमको मिश्रण हो ।
यसले ठूलो क्षेत्रलाई समेट्ने सयौं सबम्युनिसन हतियारहरू प्रहार गर्छ ।
यस किसिमको हतियारले जम्मा एक शटमा पूरै एयरफील्डलाई ध्वस्त पार्न सक्छ अनि शत्रुहरूको युद्धक विमानलाई तहसनहस बनाउन सक्छ, विज्ञहरूले दाबी गरे ।
यसलाई गाइडेड ग्लाइड डिस्पेन्सर बम भनी वर्गीकृत गरिएको छ । यो सटकी निशाना लगाउन सक्ने हतियारको तौल ५०० किलोग्राम रहेको ग्लोबल टाइम्सले लेखेको छ ।
यो क्षेप्यास्त्र जस्तो देखिन्छ र यसमा बढी हतियार राख्ने कोष्ठाकार क्रस सेक्सन छ । यस डिजाइनले हतियारको गोप्य रहने क्षमतालाई बढाएको अनि यसलाई इन्टसेप्ट गर्न गाह्रो पर्ने चाइना सेन्ट्रल टेलिभिजनले खबर दिएको छ ।
यो हतियार पाएपछि चीनले युद्धमा निकै फाइदा उठाउने बताइएको छ किनकि शत्रु मुलुकले युद्धक विमान उडाउनुअघि निकै सोच्नुपर्ने हुन्छ । यसले चीनलाई रणनीतिक अग्रता देखाउने विज्ञहरूको कथन छ ।
एसिया टाइम्सबाट
