काठमाडौं, २१ वैशाख– अन्तर्राष्ट्रिय गैर सरकारी संस्था (डीसिए) डेनमार्कमार्फत हरेक वर्ष प्रदान गरिने अन्तर्राष्ट्रिय मानवीय सहायता पुरस्कार यस वर्ष नेपाल सूर्य बहादुर थापाले प्राप्त गरेका छन् ।

फ्रेन्ड्स सर्भिस काउन्सिल नेपालका अध्यक्ष रहेका थापालाई सन् २०१७ का लागि ‘अन्तराष्ट्रिय मानवीय सहायता हिरो’ घोषण गर्दै उक्त पुरस्कार प्रदान गरिएको हो ।

मानवीय सहायताको क्षेत्रमा योगदान प्रदान गर्ने व्यक्तिलाई डीसिए डेनमार्कले आफ्नो कार्यालय रहेका ४० देशहरु मध्येबाट उक्त पुरस्कार प्रदान गर्ने गर्दछ ।

यस वर्षको उक्त पुरस्कार अप्रिल २९ तारिखका दिन डेनमार्कको राजधानी कोपनहेगनमा एक विषेश समारोहका बिच डीसिए हेडक्वाटरका महासचिव ब्रीगिट कुभिष्ट सरेन्सेनले थापालाई प्रदान गरेका थिए ।