०७ असार २०८३, आइतबार
धुलिखेल अस्पतालमा उपचाररत भक्तपुरका १ कोरोना संक्रमितको मंगलवार राति मृत्यु भएको छ ।
भक्तपुरको सूर्यविनायक नगरपालिका–८ निवासी ५५ वर्षीय पुरुषको कोरोना संक्रमणका कारण मृत्यु भएको हो ।
कोभिड–१९ रोकथाम तथा नियन्त्रण, कमाण्ड पोस्टले मंगलवार राति उपचारका क्रममा ती पुरुषको मृत्यु भएको जनाएको छ । पोस्टका सदस्य सचिव एवं जिल्ला स्वास्थ्य कार्यालय प्रमुख डा. नरेन्द्रकुमार झाले ३ दिनअघि अस्पताल भर्ना भएका उनलाई स्वास्थ्य परीक्षणका क्रममा कोरोना पोजेटिभ रिपोर्ट आएको थियो । ती पुरुष मुटु र थाइराइडको समस्याबाट पीडित भएकाले सोहीको उपचार गर्न धुलिखेल अस्पताल भर्ना भएका झाले बताए ।
पछिल्लो केही हप्तायता काभ्रेपलाञ्चोकमा समेत कोरोना संक्रमण बढ्दै गएको छ । पोस्टका अनुसार कूल संक्रमितमध्ये १ पुरुष र १ महिलाको मृत्यु भएको छ भने ६३ उपचारपछि घर फर्किएका छन् । बाँकी ९८ संक्रमितको विभिन्न स्थानको आइसोलेसनमा उपचाररत रहेको जनाइएको छ ।
