०४ साउन २०८३, सोमबार
रुसले संसारको सबभन्दा ठूलो अणुबम विस्फोटको भिडियो सार्वजनिक गरेको छ ।
अहिलेसम्म गोप्य राखिएको यस भिडियोमा बम विस्फोटको पूर्ण विवरण दिइएको छ ।
जार बम नामक यस अणुबमको शक्ति जापानको हिरोशिमामा खटाइएको बमभन्दा ३३३३ गुणा बढी छ ।
रुसले शीतयुद्ध चल्दै गर्दा सन् १९६१ को अक्टोबर ३० मा यो बम डिभाइस सेभेर्नी टापुमा परीक्षण गरेको थियो ।
अणुबम लगभग ५० मेगाटनको थियो र पाँच करोड विस्फोटक बराबरको शक्तिमा पड्केको थियो ।
यसलाई इजदेलिए २०२ कार्यक्रम अन्तर्गत बनाइएको थियो ।
एक हप्ताअघि रुसको रोस्तम स्टेट एटोमिक एनर्जीले आफ्नो युट्यूब च्यानलमा ३० मिनेटको डकुमेन्ट्री अप्लोड गरेको हो ।
यस महाविनाशक अणुबमको त्रास ठूलो भएकाले क्यामराहरूलाई सयौं माइल टाढा राखिएको थियो । अनि ती क्यामरालाई लो लाइट पोजिसनमा राखिएको थियो । अणुबम विस्फोटको चर्को प्रकाशले तिनीहरू अन्धो नहुन् भनी त्यसो गरिएको थियो ।
बम पड्केपछि निस्केको मुश्लो ६७ किलोमिटर माथिसम्म पुगेको थियो ।
रुसले यस परीक्षणको भिडियो रोस्तम ७५ वर्ष पुगेको अवसरमा सार्वजनिक गरेको हो ।
