१२ असार २०८३, शुक्रबार
नेपाल खानेपानी संस्थान पोखराका एक कर्मचारी घूस रकमसहित पक्राउ परेका छन् ।
पक्राउ पर्नेमा संस्थानअन्तर्गत विन्ध्यवासिनी इकाइ कार्यालयका महसुल शाखा प्रमुख कृष्णहरि वाग्ले हुन् ।
ग्राहकको मिटरमा अस्वाभाविक ढंगले महसुल रकम चढेको पाइएपछि आफूले मिलाइदिने भन्दै उनले ग्राहकसँग २५ हजार रुपैयाँ मागेका थिए । घूस रकमसहित बिहीवार बिहान साढे ११ बजे पोखरा बगरको एक रेस्टुरेन्टबाट अख्तियार दुरूपयोग अनुसन्धान आयोग पोखरा कार्यालयको टोलीले उनलाई रंगेहात पक्राउ गरेको हो ।
२०५७ सालदेखि नै वाग्ले करारमा कार्यरत रहेको जनाइएको छ ।
