१० साउन २०८३, आइतबार
अमेरिकाका राष्ट्रपति डोनल्ड ट्रम्पले उत्तर कोरियाका नेता किम जोङ उनको स्वास्थ्य राम्रो रहेको बिहीवार दाबी गरेका छन् । किम कोमामा छन् भन्ने हल्ला चलेको बेलामा ट्रम्पको भनाइ आएको हो ।
‘किमको स्वास्थ्य राम्रो छ । उनलाई नहेप,’ ट्रम्पले ट्विटरमा लेखे ।
किमले सिंगापुर शिखर सम्मेलनमा ट्रम्पलाई घोर प्रशंसा गरेको भनी उल्लेख गरिएका पत्रहरू एक ताजा पुस्तकमा सार्वजनिक भएपछि ट्रम्पको ट्वीट आएको हो । किमले ट्रम्पलाई जन्मदिनको शुभकामना दिने गरेका थिए अनि बाराक ओबामालाई अश्लील गाली गरेका थिए ।
विगत केही महिनादेखि ट्रम्पको स्वास्थ्यका विषयमा अनेकौं हल्ला चलिरहेका छन् । अप्रिल महिनापछि उनी सार्वजनिक स्थानमा कमै देखिएका छन् । उनको मुटुको शल्यक्रिया बिग्रेको भनी हल्ला चलेको थियो ।
उनको स्वास्थ्यका विषयमा अडकलबाजी बढेपछि मे १ मा उनले सुनचोन शहरमा एक कारखानाको उद्घाटन समारोहमा सहभागी भई हल्लामा पूर्णविराम लगाएका थिए ।
त्यसपछि उनी लगातार सार्वजनिक स्थानमा देखिँदै आएका छन् ।
अमेरिकी पत्रकार तथा लेखक बब वूडवार्डको ताजा पुस्तक 'रेज'मा किमले ट्रम्पलाई मौसुफ भनी सम्बोधन गरेको आफूहरूबीचको गहिरो र विशेष मित्रताले जादूको काम गर्ने भनी लेखिएका पत्रहरू समावेश गरिएका छन् ।
