१७ असार २०८३, बुधबार
उत्तर कोरियाका शासक किम जोङ उनका बारेमा धेरै कम तथ्यहरू मात्र बाहिरी दुनियाँलाई थाहा छ । यहाँसम्मकी उनको वास्तविक उमेर पनि बाहिरिएको छैन ।
कतिपयले उनी सन् १९८२ मा जन्मेको दाबी गर्छन् भने कतिपयले १९८४ या १९८५ मा जन्मेको हुन सक्ने अनुमान गरेका छन् ।
किमले २७ वर्षको उमेरमा आफ्नो हजुरबुबा जस्तै देखिन अनुहारको प्लास्टिक सर्जरीसमेत गराएको भारतीय सञ्चारमाध्यम इकोनोमिक्स टाइम्सले दाबी गरेको छ ।
उनका हजुरबुबा उत्तर कोरियाका फाउण्डर हुन् । उत्तर कोरियामा धेरैले किमका हजुरबुबा किम इल सुनलाई भगवान जस्तै मान्ने गर्छन् ।
उत्तर कोरियामा किम जोङ उन मात्र त्यस्ता सर्वोच्च नेता हुन् जसको जन्म सन् १९४८ मा उत्तर कोरिया देश अस्तित्वमा आएपछि भएको हो ।
सन् २०१२ मा व्यंग्यपत्रिका ‘ओनियन’ले किमलाई सबैभन्दा सेक्सी व्यक्ति घोषणा गरेको थियो ।
