२३ असार २०८३, मंगलबार
काठमाडौं । चन्द्रागिरि हिल्स लिमिटेडले दशैं–तिहारको अवसर पारेर विशेष अफर सार्वजनिक गरेको छ ।
चन्द्रागिरि हिल्स लिमिटेडद्वारा प्रवर्द्धित चन्द्रागिरि केबलकारमा ५० प्रतिशत छुट र चन्द्रागिरि हिल्स रिसोर्टमा ६,५०० ।– (छ हजार पाँच सय मात्र) मा एक जोडीका लागि ब्रेकफास्ट र डिलक्स रूम सहतिको प्याकेज सार्वजनिक गरेको हो ।
यो अफर आजैदेखि लागू भई १५ मंसिर २०७७ तदनुसार ३० नोभेम्बर २०२० सम्मका लागि मान्य हुने व्यवस्था गरिएको चन्द्रागिरि हिल्सले जनाएको छ ।
ऐतिहासिक, सांस्कृतिक तथा प्राकृतिक महत्त्व बोकेको चन्द्रागिरि डाँडामा यस कम्पनीले भालेश्वर महादेव मन्दिर, सत्तल, भ्यू टावर, चिल्ड्रेन पार्क, सेमिनार हल र रिसोर्ट लगायतका पूर्वाधार निर्माण गरेर चन्द्रागिरि डाँडालाई एकीकृत पर्यटकीय गन्तव्यको रूपमा विकास गरिरहेको छ ।
