बेसीशहर, २५ बैशाख- मिसेस र मिस लमजुङ प्रतियोगिताको उपाधी क्रमशः शोभा ठकुरी र शर्मीला विकले जितेका छन् । दुवै तर्फका दस–दस जना प्रतियोगीलाई पछि पार्दै उनीहरुले सो उपाधि हात पारेका हुन् ।
विजेता ठकूरीले मोष्ट ट्यालेण्ट उपाधीको साथै मोष्ट पपुलरको टाईटल उपाधी पनि हात पारेकी छन् भने शर्मीला विकले पनि मिस लमजुङ अन्तर्गत मोष्ट ट्यालेण्ट उपाधी जितेकी छिन्।
शनिबा सम्पन्न प्रतियोगितामा मिसेस लमजुङ तर्फको फस्ट रनरअपको उपाधी बेसीशहरकी रोशना श्रेष्ठ र सेकेण्ड रनरअपको उपाधी बेसीशहरकै ववी श्रेष्ठले हात पारेका छन् ।
यस्तै मिस लमजुङ तर्फको फस्ट रनरअपको उपाधी बेसीशहरकी सविना राना मगर र सेकेण्ड रनरअपको उपाधी बेसीशहरकै रेश्मा घिमिरेले जितेका छन् ।
मिसेस लमजुङतर्फ बेस्ट स्किनमा शर्मिला श्रेष्ठ, बेस्ट पर्शनालिटिमा गायत्री सुनार, बेस्ट क्याटवाकमा रुप मायाँ तामाङ्ग क्षत्रीले उपाधी जितेका छन् ।
बेस्ट स्माइल विसोर श्रेष्ठ, बेस्ट डिसिप्लीन तुल्सी अधिकारी, मेस्ट एक्टिभ रिता घले, र वेस्ट ड्रेसपमा गायत्री सुनारले सवटाईटल उपाधी पाएका छन् ।
यस्तै प्रतियोगितामा मिस लमजुङतर्फ बेस्ट हेयरमा मनिसा श्रेष्ठ, वेस्ट स्किनमा चाँदनी लामा, वेस्ट पर्शनालिटिमा रेश्मा घिमिरे, वेस्ट क्याटवाकमा वविता गुरुङले सव टाईटल उपाधी पाएका छन् ।
यस्तै वेस्ट कन्फिडेन्टमा विपना अधिकारी, डिसिप्लीनमा रोजीना श्रेष्ठ, वेस्ट एक्टिभमा पुनम तामाङ्ग, वेस्ट पपुलरमा अर्पना भुजेल, वेस्ट फोटोजेनीक सविना राना मगर, वेस्ट पपुलरमा वविता गुरुङ र वेस्ट ड्रेसमा रोनिजा श्रेष्ठले सव टाईटल उपाधी पाएका छन् ।
प्रतियोगिताका विजेताहरुलाई निर्णायकको रुपमा रहेका नायक सरोज खनाल, नायिका आशिस्मा नकर्मी, मोडेल तथा कोरियोग्राफर कला सुब्बा लगाएतको टोलि द्वारा ताज सहित उपाधीको ट्रफी, मायाँको चिनो र प्रमाणपत्र प्रदान गरिएको छ ।
अमेजन इन्टरटेनमेन्ट प्रालीको आयोजनामा सञ्चालित प्रतियोगीता करिव एकमहिना लामो प्रशिक्षण पश्चात शनिवार फाइनल भएको हो ।
