२४ जेठ २०८३, आइतबार
संयुक्त अरब अमिरात (यूएई) ले कोरोनाभाइरस परीक्षणमा विश्व कीर्तिमान कायम गरेको छ ।
देशको जनसंख्याभन्दा बढी कोभिड–१९ परीक्षण गर्ने ऊ पहिलो देश भएको छ । उसले महामारी शुरू भएदेखि अहिलेसम्म एक करोडभन्दा बढी परीक्षण गरेको छ । उसको कुल जनसंख्या ९६ लाख छ ।
संसारमा सबभन्दा बढी कोरोना परीक्षण गर्ने देश चीन हो । उसले १६ करोड परीक्षण गरेको छ ।
अमेरिकाले बुधवारसम्म ११ करोड परीक्षण गरेको छ । त्यसपछि भारत तेस्रो स्थानमा छ, उसले ८ करोड परीक्षण गरेको छ ।
यूएई सरकारका आधिकारिक प्रवक्ता डा उमर अल हम्मादीले खलीज टाइम्सलाई बताएअनुसार, यूएईमा कोरोना संक्रमणको कुल केस एक लाखभन्दा बढी छ ।
अहिलेसम्म यूएईमा कोरोनाका कारण ४३६ जनाको ज्यान गएको छ ।
