कात्तिक २०, २०८०
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
असोज २८, २०७७
बुटवल उपमहानगरपालिका वडा नम्बर ११ का ८४ वर्षीय पुरुषको रुपन्देही अस्पतालमा आईसीयू बेड नपाएपछि दाङ लैजाँदै गर्दा बाटोमा मृत्यु भयो ।
त्यस्तै बुटवलमा आईसीयू बेड नपाएर दाङ पुर्याइएकी तिलोत्तमा नगरपालिका– ३ निवासी ६६ वर्षीया कोराना संक्रमित महिलाको शनिवार दाङको बेलुझण्डीस्थित कोरोना विशेष अस्पताल मृत्यु भयो ।
रुपन्देहीकै देवदह नगरपालिकाका ८७ वर्षीय पुरुषले आईसीयू बेड नपाएपछि लुम्बिनी प्रादेशिक अस्पतालको ज्वरो क्लिनिकमा राखेर उपचार गरिएको छ ।
लुम्बिनी प्रदेशमा संक्रमण तीब्र रूपमा फैलिँदा बेड नपाएर जटिल संक्रमितको मृत्यु हुन थालेको हो ।
लुम्बिनी प्रादेशिक अस्पतालका सूचना अधिकारी डा. विष्णु गौतमले गम्भीर अवस्थामा पुगेका संक्रमित बिरामीहरूको उपचारका लागि बेड अभाव भएको बताए ।
उनले भने, ‘संक्रमण तीव्र रूपमा फैलिँदै जाँदा अस्पतालमा आएर पीसीआर जाँच गरेपछि पोजेटिभ केसहरूलाई उपचार गर्न बेड अभाव हुँदा काठमाडौ, दाङ, चितवनलगायत शहरमा दैनिक ३/४ जना बिरामीलाई रिफर गरिरहेका छौं ।’
गम्भीर अवस्थामा पुगेका बिरामीहरूको उपचारका लागि आईसीयू बेडको कमी हुँदा आफन्तहरू बेडको व्यवस्थापन गर्न एक अस्पतालबाट अर्को अस्पताल भौंतारिन बाध्य छन् भने आईसीयू आवश्यक रहेका बिरामीहरू पनि आइसोलेसनमा राखिएको छ ।
संक्रमणको संकट गहिरिँदै जाँदा पनि प्रदेश सरकारले जटिल संक्रमितहरूलाई उपचारका लागि आईसीयू र भेन्टिलेटर बेड थप्नेतर्फ ध्यान दिएको देखिँदैन ।
महामारी शुरू भएयताका सात महिनामा प्रदेश सरकारले प्रदेशका १२ जिल्लाका लागि जम्मा ७ वटा आईसीयू र भेन्टिलेटर मात्र थपेको छ ।
संक्रमित बढ्दै जाँदा बुटवल धागो कारखानामा बनाइएको कोभिड अस्पतालमा २०० आइसोलेसन बेड थप गर्ने बताए पनि त्यो अगाडि बढ्न सकेको छैन ।
कति छन् बेड ?
लुम्बिनी प्रदेशमा कोभिड–१९ उपचारका लागि १९५ आइसोलेसन बेड, जम्मा ३४ आईसीयू र १२ वटा मात्र भेन्टिलेटर छन् ।
स्वास्थ्य निर्देशनालय लुम्बिनी प्रदेशका अनुसार बुटवलमा १६ आईसीयू भैरहवाको भीम अस्पतालमा ५, भेरी अस्पताल नेपालगञ्जमा ५ र बेलझुण्डी दाङमा ५ वटा छन् । त्यस्तै भेन्टिलेटर बुटवलमा ५, भैरहवा १, नेपालगञ्ज ५ र दाङमा पनि ५ वटा मात्र छन् । अहिले बेड अभाव हुँदा सक्रिय संक्रमितको ५० प्रतिशतभन्दा बढी होम आइसोलेसनमा बसेका छन् ।
प्रदेशमा संक्रमितको संख्या १३ हजार ५ सयभन्दा माथि पुगेको छ ।
कोभिडका लागि कति गर्यो प्रदेशले खर्च ?
प्रदेश सरकारले महामारी शुरू भएपछि लुम्बिनी प्रदेशका १०९ स्थानीय तहलाई क्वारेन्टीन व्यवस्थापनका लागि भन्दै उपमहानगरपालिकालाई २०, नगरपालिकालाई १५ र गाउँपालिकालाई १० लाख रुपैयाँका दरले करीब १३ करोड रुपैयाँ उपलब्ध गरायो ।
त्यस्तै ८ करोड रुपैयाँ प्रदेशका चारवटा कोभिड विशेष अस्पतालहरूलाई बेड व्यवस्थापन गर्नेदेखि जनशक्ति व्यवस्थापनका लागि भनेर उपलब्ध गरायो । त्यस्तै प्रदेशको कोभिड नियन्त्रण कोषबाट २० करोड निकासा गरी शवबाहान खरिद गर्न स्थानीय तहहरूलाई बजेट उपलब्ध गराउनेदेखि कोरोनाका संक्रमणबाट मृत्यु भएका परिवारलाई १ लाख रुपैयाँका दरले उपलब्ध गराउन जिल्ला प्रशासन कार्यालयहरूलाई उपलब्ध गराएको छ ।
सामाजिक विकास मन्त्रालयका सूचना अधिकारी डा. पुष्पराज पौडेलले संक्रमण १२ भेन्टिलेटर र ३४ आईसीयू बेड थप गर्ने गरी प्रदेश सरकार अगाडि बढेको बताए । उनले भने, ‘१९५ अक्सिजन पाइपसहित (आईसीयूजस्तै) बेड थप्दै छौं । ती बेडमध्ये ५० बुटवल, भैरहवा, दाङ र बाँकेमा रहनेछन् ।’
मृत्युदर मुलुकको भन्दा लुम्बिनी प्रदेशको बढी
लुम्बिनी प्रदेशमा कोरोना संक्रमणबाट मृत्यु हुनको संख्या १०४ पुगेको छ । यो संख्या कुल संक्रमित संख्याको ०.७६ प्रतिशत हो । यो संख्या मुलुकमा कोरोना संक्रमणबाट मृत्यु हुने ०.५९ प्रतिशतभन्दा बढी हो ।
सबैभन्दा धेरै बुटवलको धागो कारखाना कोभिड अस्पतालमा ४० जनाको मृत्यु भएको छ ।
सीमा नाकाबाट सहजरूपमा भित्रिएर सिधै घर
लुम्बिनी प्रदेशमा ठूला नाकाहरूबाट भारतबाट आउनेहरू सिधै घर गएर बस्न थालेका छन् । रुपन्देही बेलहिया (सुनौली) नाकाबाट दैनिक ५ सय नेपाली र केही भारतीय कामदारहरू आउने गरेको इलाका प्रहरी कार्यालय बेलहियाले जनाएको छ ।
इप्रकामा कार्यरत प्रहरी निरीक्षक ईश्वरी अधिकारीले दैनिक ५ सय नेपाल भित्रिने र ३ सयदेखि ४ भारततर्फ जाने गरेको बताए ।
‘पहिलाजस्तो कडाइ छैन । भारतका विभिन्न शहरहरूमा काम गरेर नाकामा आएका नेपालीहरूको इन्ट्री गरेर (नाम, ठेगाना र मोबाइल नम्बर राखेर) सिधै घर जान दिइन्छ । उनीहरू सार्वजनिक बस चढेर आफ्नो गृहजिल्ला जान्छन् ।’
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...