कोरोना संक्रमितको संख्या दिनानुदिन बढिरहेको सन्दर्भमा जिल्ला प्रशासन कार्यालय ललितपुरले आइतबारदेखि लागू हुनेगरी अत्यावश्यक बाहेकका सबै सेवा प्रवाह स्थगित गरेको छ ।
जिल्ला प्रशासन कार्यालय ललितपुरका सहायक प्रमुख जिल्ला अधिकारी ललितकुमार बस्नेतले आइतबारदेखि अर्को सूचना नभएसम्मका लागि जिल्लाभित्र अत्यावश्यक सेवाहरु बाहेकका सेवा प्रवाह स्थगित गरिएको जानकारी दिए ।
प्रशासनले कोभिड–१९ को संक्रमणले भयावह रुप लिन सक्ने अवस्थालाई मध्यनजर गर्दै जिल्ला कोभिड–१९ संकट व्यवस्थापन केन्द्र, सबै सरोकारवाला निकाय, स्वास्थ्य विज्ञ, सुरक्षा निकायसमेतको छलफलका आधारमा सो निर्णय लिइएको जानकारी दिएको छ । ललितपुरमा हालसम्म कोरोना संक्रमितको संख्या ५ हजार ९३८ पुगेको छ।