अमेरिकाले एसिया–प्रशान्त क्षेत्रमा मध्यम तथा छोटो दूरीका क्षेप्यास्त्रहरू तैनाथ गरेकोमा मस्कोले त्यसको उचित जवाफ फर्काउने अमेरिकाका लागि रुसका राजदूत एनाटोली आन्तोनोभले बताएका छन् । 

‘हिजै मात्र मलाई अमेरिकी क्षेप्यास्त्रहरू एसिया प्रशान्त क्षेत्रमा तैनाथ गरिँदैछन् भन्ने कुरा पुष्टि गरियो । त्यसो हो भने यी क्षेप्यास्त्रहरू रुससम्म पुग्न सक्छन् र आणविक निवारणका रणनीतिक लक्ष्यहरूलाई समेट्न सक्छन्,’ एन्टोनोभले च्यानल वान रसियासँग कुराकानी गर्दै भने । 

अमेरिकाले सन् २०१९ को अगस्ट महिनामा रुससँगको इन्टरमिडिएट–रेन्ज न्युक्लीयर फोर्सेस सन्धि त्यागिसकेको छ । रुससँगको अर्को प्रमुख हतियार नियन्त्रण सम्झौता द न्यु स्ट्राटेजिक आर्म्स रिडक्सन ट्रीटी सन् २०२१ को फेब्रुअरी ५ मा म्याद सकिँदैछ । 

अमेरिकाले मध्यम र छोटो दूरीका क्षेप्यास्त्रहरू कुनै क्षेत्रमा तैनाथ नगरेसम्म रुसले यस्ता क्षेप्यास्त्रहरू तैनाथ नगर्ने एकपक्षीय प्रतिबद्धता जनाएको एन्टोनोभले बताए । 

हतियार कम गर्ने विषयमा संवादहीनताको स्थिति खतरनाक भएको भनी मस्कोले अमेरिकी राजनीतिकर्मीहरूलाई बताउन खोजेको तर यस यस विषयमा कुनै प्रगति हुन नसकेको अनि रुस र अमेरिका हतियार जम्मा पार्ने होडमा अघि बढिरहेको एन्टोनोभको भनाइ छ ।