११ असार २०८३, बिहीबार
सत्तारुढ दल नेपाल कम्युनिष्ट पार्टी (नेकपा)ले पनि आफ्ना सांसदहरूलाई दशैं भत्ताबापत प्राप्त रकम फिर्ता गर्ने निर्णय गरेको छ ।
राष्ट्रिय सभाका नेकपा संसदीय दलका प्रमुख सचेतक खिमलाल भट्टराईले सबै सांसदको दशैं भत्ता कोभिड उपचार कोषमा जम्मा गर्ने निर्णय भएको लोकान्तरलाई जानकारी दिए ।
सांसदहरूले दशैं भत्ता बुझेकोबारे शुक्रवार लोकान्तर डट्कममा पहिलोपटक समाचार प्रकाशित भएपछि केही सांसदले व्यक्तिगत रूपमा भत्ता फिर्ताको घोषणा गरिसकेका छन् ।
अहिले आएर पार्टीले संस्थागत रूपमै भत्ता फिर्ता गर्ने निर्णय गरेको हो ।
यसअघि प्रमुख प्रतिपक्षी दल नेपाली कांग्रेसले पनि भत्ता फिर्ताको औपचारिक घोषणा गरिसकेको छ ।
संसद्को तेस्रो ठूलो दल जनता समाजवादी पार्टीले पनि दशैं भत्ता फिर्ताका लागि छलफल शुरू गरेको छ ।
सो दलको केन्द्रीय कार्यकारिणी बैठक चलिरहेको छ । सो बैठकबाटै भत्ता फिर्ताको निर्णय हुने एक सांसदले बताए ।
![तीन ‘बाबु–छोरा’को अविश्वसनीय विश्वकप संयोग- बुवाको अधुरो सपना पूरा गर्दै नर्वेजियन ३ खेलाडी [भिडियो]](https://img.youtube.com/vi/7dgr0qEwRrY/0.jpg)
