१८ असार २०८३, बिहीबार
राष्ट्रिय स्वतन्त्र पार्टीको महाधिवेशन उद्घाटन सत्रमा शुभकामना दिन नेपाली कांग्रेसका सभापति गगन थापा आफैं चितवन जाने भएका छन् ।
आइतबार बिहानै फेसबुकमार्फत शुभकामना दिएका गगन उद्घाटन सत्रका लागि चितवन जाने तयारी भएको उनको सचिवालय स्रोतले लोकान्तरलाई जानकारी दियो ।
रास्वपाले प्रमुख दलहरूलाई महाधिवेशनमा शुभकामना दिनका लागि आमन्त्रण गरेको छ ।
यसअघि प्रमुख दलका शीर्ष नेताहरू नजाने चर्चा भएको थियो । तर, गगन सहभागी हुने भएका छन् ।
यता नेकपा एमालेले नेता प्रदीप ज्ञवाली र नेकपाले वर्षमान पुनलाई पठाउने तयारी गरेका छन् ।
रास्वपाको पहिलो महाधिवेशन आइतबार भरतपुरको गेस्टहाउस चौरमा उद्घाटन हुँदैछ । रास्वपा महाधिवेशन मंगलबारसम्म चल्नेछ ।
