०२ साउन २०८३, शनिबार
पञ्जाबी गायक तथा बलिउड अभिनेता दिलजीत दोसाँझ र दंगल फिल्मबाट चर्चित भएकी फातिमा सना शेखको नयाँ फिल्म सुरज पे मंगल भारीको ट्रेलर सार्वजनिक भएको छ ।
फिल्म सन् १९९५ को बम्बैमा सेटिङ गरिएको छ ।
ट्रेलर हेर्दा यो फिल्ममा गजबको कमेडी छ जस्तो देखिन्छ ।
फिल्ममा मनोज वाजपेयीको पनि प्रमुख भूमिका छ । उनले दुलाहाहरूको जासूसी गर्ने भूमिका निर्वाह गरेका छन् ।
दोसाँझले सुरज सिंह ढिल्लों र फातिमाले मराठी युवतीको भूमिका निर्वाह गरेका छन् ।
ट्रेलरमा देखिन्छ, सुरज एक आदर्श पत्नीको खोजीमा छ तर उसले युवती भेटिरहेको छैन । पछि उसको जीवनमा एक भिलेन आउँछ र सबै कुरा तहसनहस बनाइदिन्छ ।
