कात्तिक २०, २०८०
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
मंसिर ९, २०७७
टाउकोमा नाम्लो, पिठ्युँमा ठूलो जार बोकेर नन्दा बोहरा हिँडिरहेकी छिन् ।
‘कता हिँड्नु भयो ?’ हामीले सोध्यौँ ।
‘उ तल नहरमा पानी लिन जान लागेकी’ उनले भनिन् । उनी जस्तै अन्य महिलाहरू पानी बोक्न लामबद्ध थिए ।
गोदावरी नगरपालिकाको ४ मा स्वच्छ पिउने पानी अभावमा आधा घण्टा हिँडेर स्थानीय नहरको दूषित पानी पिउन बाध्य छन् ।
स्थानीयले नजिकै खानेपानीको आयोजना बन्दै गरेको सुनेका त छन् तर देख्न पाएका छैनन् । ‘यहीँ कतै खानेपानीको आयोजना बन्दैछ भन्ने सुन्दैछौं, खै कहिले पुग्ने हो थाहा छैन,’ लामो सास फेर्दै नन्दाले भनिन् ।
हाट खोली, बन्द्रागढाका बस्तीमा खानेपानीको व्यवस्था नभए पनि ठाउँ–ठाउँमा धाराहरू बनाइएको छ ।
तर, ती धारामा पाइप जोडिएका छैनन् । बान्द्रेगडाका देवबहादुर नेपाली भन्छन्, ‘यहाँ खोलाबाट पानी बोकेर ल्याएर खानुपर्ने अवस्था छ । बस्तीमा राखिएका धाराहरूको छेउमा पाइपहरू राखिएको छ तर ती पाइपमा कहिलेकाहिँ मात्र पानी आउने गर्दछ । सिँचाइका लागि बनाइएको नहरबाटै पानीको व्यवस्था गरी बस्तीमा पुर्याइएको छ ।’
खोलाको दूषित पानी पिउँदा त्यहाँका स्थानीय विभिन्न स्वास्थ्यसम्बन्धी समस्या भोग्न बाध्य छन् । खोलाबाट पानी ल्याएर पिउँदा स्वास्थ्य समस्या भोग्नुपर्ने अवस्था छ, बान्द्रेगडाका रत्नी साउदले भने, ‘अझैसम्म खोलाकै दूषित पानी पिउन बाध्य छौँ । पानीकै प्रयोगले झाडापखाला, हैजा, आउँलगायत वषौंसम्म बिरामी भएर अन्य रोगको शिकार भइरहेका छौं तर के गर्नु, अरू विकल्प पनि त छैन ।’
हाट खोलीमा चैत महिनादेखि असोजसम्म गर्मी छल्न आन्तरिक पर्यटकहरू आइरहन्छन्, होटेल व्यवसायी डम्बरबहादुर बोहराले भने, ‘तिहारपछि पिकनिकका लागि आउने गर्छन् । हामी त समस्या भोगिरहेकै छौं, त्यही समस्या यहाँ आएका पर्यटकहरूले पनि भोग्नु पर्छ ।’
‘स्थानीय तह, प्रदेश तथा सङ्घीय सरकारले खानेपानीको व्यवस्था गरिदिए हाट खोलीमा पर्यटकको संख्या पनि बढ्छ,’ उनले थपे ।
हाट खोलीका बासिन्दालाई मात्रै हैन गोदावरी नगरपालिका वडा नं. ४ बन्द्रागढा, फूल बस्ती, बूढी तोला लगायतका बस्तीका मानिस खानेपानीको सुविधा नहुँदा खोला, नहर तथा मूलको पानी पिउन बाध्यता रहेको स्वयं जनप्रतिनिधिहरू नै बताउँछन् । ‘खानेपानीको समस्या विकराल छ,’ वडा नं. ४ का वडाध्यक्ष प्रेमबहादुर भण्डारीले भने, ‘समस्या समाधान गर्न काम गरिरहेका छौं ।’
‘पहाडी भूगोल भएका कारण भूमिगत प्रविधिबाट खानेपानीको व्यवस्था गर्न सम्भव भएन,’ उनले भने, ‘लिफ्ट प्रविधिबाट खानेपानीको व्यवस्था गर्नुपर्ने हुन्छ, यसका लागि हामीले काम गरिरहेका छौं । बन्द्रागढामा त खानेपानी तथा सरसफाइ डिभिजन कार्यालयबाट भूमिगत प्रविधिबाट पानीको व्यवस्था गर्न काम शुरू नै भइसक्यो ।’
उनले थपे, ‘नगरपालिकाले अहिले बुढी तोलामा लिफ्ट खानेपानी आयोजनाको कार्य अघि बढाएको छ यसका लागि चालू आर्थिक वर्षमा २० लाख रुपैयाँ बजेट विनियोजन पनि गरिएको छ ।’
‘सो आयोजना कहिले सम्पन्न हुन्छ अहिले भन्न सकिँदैन, आयोजनाको काम अघि बढाउन उपभोक्ता समिति गठन गरिसकेका छौं,’ उनले भने ।
बुढी तोलाको आयोजनाबाट ५ सय घरधुरी मात्रै लाभान्वित हुन्छन्, तर उक्त वडामा झन्डै दुई हजार एक सयभन्दा बढी घरधुरी छन् ।
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...