०५ साउन २०८३, मंगलबार
कृषि तथा पशुपन्छी विकास मन्त्रालयका निमित्त सचिव डा योगेन्दकुमार कार्की नेपाल सरकारको सचिवमा बढुवा भएका छन् ।
बुधबार बसेको मन्त्रिपरिषद् बैठकले लोक सेवा आयोगको सिफारिसमा कार्कीलाई सचिवमा बढुवा गरेको हो ।
जेष्ठताका आधारमा कार्की सचिव बनेका हुन् । कार्की प्रधानमन्त्री कृषि आधुनिकीकरण परियोजनाका परिकल्पनाकार समेत रहेका थिए ।
कार्कीले लोकान्तरसँगको कुराकानीमा कृषि मन्त्रालयमा पदस्थापन भए आगामी दिनमा व्यवसायीक कृषिको रुपान्तरणमा दिलोज्यान दिने बताए ।
धेरै समय कृषि मन्त्रालयले नेतृत्वदायी सचिव पाएको थिएन, कार्कीको आवागमनले कृषिमन्त्री धनश्याम भुसाललाई समेत सहयोग पुग्ने कृषि मन्त्रालयका पूर्व सहसचिव डा डिल्लीराम शर्माले बताए ।
यसअघि बागमती प्रदेश कृषि मन्त्रालयमा रहँदा अन्य मन्त्रालयका सहसचिवहरूले कार्कीको सिको गर्दै आएका थिए । कृषि अर्थ विज्ञ समेत रहेका कार्कीको बहुपक्षीय दातासँग राम्रो सम्वन्ध रहेको छ ।
