भक्तपुर, ३१ वैशाख– 
भक्तपुरको चाँगुनाराण नगरपालिका अन्तर्गत पर्ने एक मतदान केन्द्रमा नवलपरासी जिल्लाको मतपत्र भेटिएको छ । मतदान सुरु भएको केही घण्टापछि एक मतदाताको हातमा नवलपरासीको मतपत्र पुगेको हो ।
साविकको नागरकोट गाविस भवनमा रहेको मतदान केन्द्रमा नवलपरासीको मतपत्र पुगेको हो । उक्त मतपत्रमा नेपाल मजदुर किसान पार्टी (नेमकिपा)को चुनाव चिह्न ‘मादल’ नभेटिए पछि मतदाता अन्योलमा परेका थिए ।
लगत्तै निर्वाचन आयोगका कर्मचारीहरुले उक्त मतपत्र फिर्ता लिएर अर्को मतपत्र दिएका थिए ।
यो मतपत्रहरु मतदान अधिकृतले पोको पारी राखेका जनाइएको छ । नेमकिपाले घटनाको छानविन गर्न माग गरेको छ ।
