काठमाडौं, ३१ वैशाख –पहिलो चरणअन्तर्गत आइतवार सम्पन्न स्थानीय तहको निर्वाचनमा ७० प्रतिशत भन्दा बढी मत खसेको निर्वाचन आयोगले अनुमान गरेको छ । विहान ७ बजेदेखि चलेको निर्वाचनमा ७५ प्रतिशतसम्म मत खसेको हुनसक्ने आयोगका प्रवक्ता सूर्यप्रसाद शर्माले लोकान्तरलाई बताए ।

आयोगका अनुसार साढे ३ बजेसम्म करीव ६२ प्रतिशत मत खसेको थियो । ‘५ बजेसम्ममा करीव ७५ प्रतिशतसम्म मत खसेको हाम्रो अनुमान छ,’ आयोगका प्रवक्ता शर्माले भने ।

पहिलो चरण अन्तर्गत तीन प्रदेशका ३४ जिल्लामा निर्वाचन सम्पन्न भएको हो । पहिलो चरणमा करीव साढे ४९ हजार मतदाताको नाम मतदाता नामावलीमा प्रकाशित थियो । मतदान सकिएपछि आजैदेखि मतगणना गर्ने आयोगले बताएको छ ।