०८ साउन २०८३, शुक्रबार
पार्टी विवाद जटिल मोडमा पुगेको बेला नेपाल कम्युनिस्ट पार्टी (नेकपा)को सचिवालय बैठक बसिरहेको छ ।
प्रधानमन्त्री निवास बालुवाटारमा सचिवालय बैठक जारी छ ।
बैठकमा प्रधानमन्त्री एवं नेकपा अध्यक्ष केपी शर्मा ओलीले कार्यकारी अध्यक्ष पुष्पकमल दाहाल प्रचण्डले आफूमाथि लगाएको आरोपको लिखित जवाफ दिँदैछन् ।
प्रचण्डलाई दिने जवाफ लिएर ओली बैठक स्थलमा पुगेका थिए । प्रधानमन्त्री ओलीको टेबलका रातो रंगको क्लियर ब्याग देखिन्छ । अघिल्लो पटकको बैठकमा रातो रंगको ज्याकेटमा देखिएका ओली आज कालो र खरानी रंगको ज्याकेटमा देखिएका छन् ।
यसअघि कात्तिक २८ गते बसेको सचिवालय बैठकमा प्रचण्डले ओलीलाई ७ बुँदे पत्र र राजनीतिक प्रतिवेदन पेश गरेका थिए । मंसिर ३ गतेको बैठकमा ओलीले प्रचण्डको आरोपको लिखित जवाफ दिने बताएका थिए ।
