१२ असार २०८३, शुक्रबार
भारतको झारखण्डको राजधानी राँचीभन्दा करिब १६० किलोमिटर ताढा कोडरमा नातामा दिदीबहिनी पर्नेले पाँच वर्षदेखि प्रेममा छन् । अघिल्लो महिना उनीहरुले आपसमा बिहे गरेका छन् ।
दुवै युवती झुमरीतलैया निवासी हुन् । तर, अहिले उनीहरु कुनै टाढाको शहरमा बस्न चाहान्छन् । ताकि आफूहरुमाथि आउने आरोप र आलोचनाबाट बच्न सकुन् । एक युवतीको उमेर २४ वर्ष हो भने, अर्कीको २० वर्ष हो ।
एकले ग्रेजुयसन गरेकी छन् भने अर्कीले प्लसटुको पढाइ सकेकी छन् । जति मुस्किल आए पनि आफूहरु साथमा रहने उनीहरुले बाचा गरेका छन् ।
आफूहरुलाई लेस्बियन जोडी भन्नुमा कुनै श्रम महशुस नहुने पनि बताएका छन् । आफ्नो सम्बन्धबारे परिवारलाई नबताएरै उनीहरु लिभइन रिलेशनमा बसिरहेका थिए ।
उनीहरुले झुमरी तिलैयाको एक शिव मन्दिरमा बिहे गरेका छन् । कोडर जिल्लामा समलिंगी विवाह भएको यो पहिलो घटना भएको बताइएको छ ।
समलिंगी विवाह कानुनी रुपमा वैध भएको आफूहरुलाई जानकारीमा रहेको बताएका छन् । उनीहरुले अमेरिकाको न्युयोर्कमा रहँदै आएकी अञ्जली चक्रवर्ती सुफी सन्डल्सको सम्बन्धबाट प्रभावित बनेको बताएका छन् ।
