१५ असार २०८३, सोमबार
खानेपानी मन्त्री बिना मगरको नामबाट नक्कली ट्वीटर एकाउन्ट बनाई अनावश्यक विषयहरु ट्वीटरमार्फत पोष्ट गरिएको सम्बन्धमा मन्त्रीको सचिवालयले भ्रमित नहुन सबैमा अपिल जारी गरेको छ ।
ट्वीट गरिएका कतिपय विषयले आम मानिसमा भ्रम सिर्जना गरेकाले यस्तो नक्कली एकाउन्ट बन्द गरिदिन नेपाल प्रहरीको साइबर ब्यूरोमा अनुरोध गरिएको मन्त्रीको निजी सचिव गुणराज श्रेष्ठद्वारा जारी गरिएको अपिलमा भनिएको छ ।
‘मन्त्रीज्यूको नाममा खोलिएको नक्कली ट्वीटर एकाउन्ट @Magarbina1BB3 बाट अनावश्यक विषयहरु ट्वीट गरी सञ्चार जगत र आम नागरिकहरुमा भ्रम सिर्जना गरिएकाले उक्त एकाण्ट बन्द गर्न प्रहरीमा अनुरोध गरिसकिएको छ,’ निजी सचिव श्रेष्ठले भजे ।
‘उक्त नक्कली ट्वीटरमा पोष्ट गरिएका सामग्रीबाट भ्रमित नहुन सञ्चारकर्मी एवं सम्पूर्ण नेपालीहरुमा अनुरोध गर्दछौं’, श्रेष्ठद्वारा जारी गरिएको अपीलमा भनिएको छ ।
