नेपाली कांग्रेसका युवा नेता तथा सांसद गगनकुमार थापाले प्रधानमन्त्री केपी शर्मा ओलीलाई बाध्य पार्न सभापति शेरबहादुर देउवालाई सुझाव दिएका छन् ।

बुधवार बोलाइएको कांग्रेस पदाधिकारी बैठकअघि सामाजिक सञ्जाल ट्विटरमा लेख्दै सांसद थापाले बरालिएका ओलीलाई बाँध्न संसद अधिवेशन बोलाउन बाध्य पार्न, उपसभामुख नभएसम्म संवैधानिक परिषद् बैठकमा नजान र संसदमा उपसभामुखको निर्वाचन गर्न बाध्य पार्न सुझाव दिएका छन् ।

उनले लेखेका छन्, ‘ संविधानको धारा ९३(३) अनुसार संसद अधिवेशनका लागि आजै निवेदन दिऔं । उपसभामुखको निर्वाचन नगरेसम्म संसदको गतिविधि ठप्प गरौं । उपसभामुख विनाको संवैधानिक परिषद् बैठक अस्वीकार गरौं । संसद र सडकबाट यो अध्यादेश फिर्ता गर्न बाध्य पारौं ।’

.@DeubaSherbdr तथा शीर्ष नेताज्यूहरू,

पार्टी बैठकमा हामीले भनेका थियौँ;बरालिएका @PM_Nepal लाई बाँध्न संसद अधिवेशन बोलाउन बाध्य पारौं,उपसभामुख नभएसम्म संवैधानिक परिषद बैठकमा नजाऔँ,संसदमा उपसभामुखको निर्वाचन गर्न बाध्य पारौँ।
यी विषयलाई त्यो बेला मनन नगर्दा आजको परिस्थिति आएको छ।

— Gagan Thapa (@thapagk) December 16, 2020