चीनमा मानवअधिकारको मुद्दा लड्ने एक वकिललाई प्रहरीले पक्राउ गरी यातना दिएको भन्दै उनका आमाबुवाले विरोध गरेका छन् ।

चाङ वेपिङ नामक ३६ वर्षीय ती वकिलका आमाबुवाले बाओजी शहरमा रहेको एक प्रहरी चौकीबाहिर ‘यातनाको विरोध गरौं, मेरो छोरालाई जोगाऊ’ भन्ने नारा सहितको प्लेकार्ड राखेर प्रदर्शन गरेका थिए । 
 

चाङले देशमा विभेदको सामना गर्ने मानिसहरूको अधिकार रक्षा गर्ने गरेका थिए । उनले आफूलाई यातना दिइएको भनी यूट्युबमा पोस्ट गरेपछि प्रहरी अधिकारीहरूले अक्टोब २२ मा पक्राउ गरेका थिए । 

वीबो नामक सामाजिक सञ्जालमा वेपिङका पिताले अपील प्रकाशन गर्दै सोधपुछका क्रममा पाँचजना प्रहरी अधिकारीले आफ्नो छोरालाई यातना दिएको र त्यसको छानबिन हुनुपर्ने बताएका थिए । 

पिता चाङ श्वानमिङले अधिकारीहरूलाई छोरासँग बस्न अनुमति दिन भनेका छन् । अहिले वकिल चाङलाई अन्र्त गरेर घरमा नजरबन्दमा राखिएको छ । उनीविरुद्ध राज्य विप्लवको प्रयास गरेको आरोप छ । 

यसरी अन्तै लगेर घरमा नजरबन्दी बनाउने काम ६ महिनासम्म गर्ने गरिन्छ । त्यसक्रममा बन्दीलाई वकिल र नातेदार भेट्न दिइँदैन र यातना तथा जोरजबर्जस्ती गर्ने गरिन्छ ।