०२ असार २०८३, मंगलबार
पछिल्लो २४ घण्टामा देशभर थप ७७६ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयले सार्वजनिक गरेको विवरण अनुसार हालसम्म संक्रमित हुने कूल संख्या २ लाख ५१ हजार ६९२ पुगेको छ ।
कूल संक्रमितमध्ये २ लाख ४० हजार ३६३ जना निको भएर डिस्चार्ज भइसकेका छन् । पछिल्लो २४ घण्टामा ९४७ जना डिस्चार्ज भएका मन्त्रालयले जनाएको छ ।
हाल देशभर सक्रिय संक्रमितको संख्या १० हजारभन्दा कम रहेको छ । सक्रिय संक्रमितको संख्या ९ हजार ५८० रहेको मन्त्रालयले जनाएको छ ।
कोरोनाबाट थप ६ जनाको मृत्यु भएको छ । यससँगै कूल मृत्यु हुनेको संख्या १ हजार ७४९ पुगेको जनाइएको छ ।
