१२ असार २०८३, शुक्रबार
दक्षिण भारतीय फिल्मका उत्कृष्ट अभिनेता धनुषले हलिउडमा छलांङ लगाएका छन् । धनुष नेटफ्लिक्सको ‘द ग्रे म्यान’ मा रायन गोसलिङ र क्रिस इवान्सजस्ता अनुभवी कलाकारका साथ मुख्य भूमिकामा देखिने भएका छन् ।
फिल्मको निर्देशन एन्थनी र जो रुसोले गरिरहेका छन् । फिल्म २०००९ मा आएको मार्क ग्रिनीको उपन्यासमा आधारित छ । द ग्रे म्यानको कहानी एक स्वतन्त्र एसेसिन र पूर्व सीआइए अपरेटिभ कोर्ट जेन्ट्रीमा आधारित छ ।
क्रिस इवान्सु लयर हेनसनको रोलमा जेन्ट्रीको पिछा गर्दै गरेको देखिनेछन् । फिल्ममा धुनष नार्कोस फेम कलाकार वाग्नर मोरा, वन्स अपन अ टाइम इन हलिउड फेम बाल कालाकार जुलिया बटर्स र गेम अफ थ्रोन्स फेमकी जेसिका हेनविकको साथ देखिनेछन् ।
धुनषले ट्वीटरमा यस फिल्मलाई लिएर आफ्नो प्रतिक्रिया दिएका छन् । उनले एक नोट शेयर गर्दै भनेका छन्, ‘खुशी छु कि म नेटफ्लिक्सको फिल्म द ग्रे म्यानको समूहमा सहभागी हुँदैछु । जसमा रायन गोसलिङ र क्रिस इवान्स पनि छन् ।’
उनले अघि भनेका छन्, ‘फिल्मको निर्देशन एभेन्जर्स र क्याप्टेन अमेरिका–वीन्टर सोल्जर फेमका रुसो ब्रोदर्स गर्दैछन् । यो एक्सन पेक्ड फिल्मलाई लिएर धेरै अपेक्षा गरिएको छ । दुनियाँभरका प्रशंसकलाई धेरै धेरै धन्यवाद ।’
