२४ जेठ २०८३, आइतबार
नेपाल कम्युनिस्ट पार्टी 'नेकपा'का प्रवक्ता नारायणकाजी श्रेष्ठले संसद विघटन सिफारिश गर्ने सरकारको निर्णय विरुद्ध संघीय लोकतान्त्रिक गणतन्त्र,लोकतन्त्र एवं परिवर्तनका पक्षधर सम्पुर्ण शक्तिहरू एक हुन आह्वान गरेका छन् ।
उनले सामाजिक सञ्जाल ट्वीटरमा ट्वीट गर्दै प्रधानमन्त्री केपी शर्मा ओलीको यस निर्णयविरुद्ध जुट्न आह्वान गरेका हुन् ।
उनले प्रधानमन्त्री ओलीले संसद विघटनका लागि सिफारिश गर्नु गैर संवैधानिक,अलोकतान्त्रिक,निरङ्कुश र परिवर्तनविरोधी प्रतिगामी कदम भएको समेत बताएका छन् । उनले यो लागू हुन नसक्ने समेत जनाएका छन् ।
आज प्रधानमन्त्री श्री के पी शर्मा ओलीले सँघीय प्रतिनिधिसभा बिघटन गर्न गर्नुभएको सिफारिश गैर संवैधानिक,अलोकतान्त्रिक,निरङ्कुश र परिवर्तनविरोधी प्रतिगामी कदम हो।यो लागु हुन सक्दैन।यसको बिरुध्द सँघीय लोकतान्त्रिक गणतन्त्र,लोकतन्त्र एवं परिवर्तनका पक्षधर सम्पुर्ण शक्तिहरु एक होऔं ।
— NKShresthaPrakash (@nksthaprakash) December 20, 2020
