२७ असार २०८३, शनिबार
भारतको पुणेस्थित भ्याक्सिन बनाउने कम्पनी सिरम इन्स्टीट्यूट अफ इण्डियाले शनिबार अक्सफोर्ड एस्ट्राजनेका को भ्याक्सिन निर्माणका लागि सम्झौता गरेको छ ।
कम्पनीले भ्याक्सिन वितरणका लागि करिब १३ खर्बभन्दा बढी रुपैयाँ आवश्यक रहेको बताएको छ ।
केन्द्र सरकारले पहिलो चरणमा करिब ३० करोड भारतीयलाई भ्याक्सिन लगाउने योजना बनाएको छ ।
२ करोड फ्रन्टलाइन र आवश्यक श्रमिकका लागि, २७ करोड ज्येष्ठ नागरिक र एक करोड स्वास्थ्यकर्मीलाई लगाइने छ। जसमा अधिकांश ५० वर्षभन्दा माथिका हुनेछन् ।
आपतकालीन उपयोग प्राधिकरणका लागि तीन भ्याक्सिन कम्पनी, सिरम इन्स्टीट्यूट–अक्सफोर्डको कोभिशिल्ड, भारत बायोटेकको कोभ्याक्सिन र फाइजर भ्याक्सिन छनोट गरिएको छ ।
केन्द्रीय औषधि मानक नियन्त्रण संगठनले सिरम संस्थानका साथै भारत बायोटेकलाई पनि अनुमतिका लागि तथ्यांक माग गरेको छ ।
