नेपाल कम्युनिस्ट पार्टी (नेकपा) भित्र विभाजनको संकेत देखिएका बेला अध्यक्ष पुष्पकमल दाहाल ‘प्रचण्ड’ र वरिष्ठ नेता माधवकुमार नेपाल पक्षका सांसदको भेला नयाँ बानेश्वरमा हुँदैछ ।

बिहान प्रधानमन्त्री केपी शर्मा ओलीले बालुवाटारभित्रै आफूपक्षीय सांसदको भेला गरिसकेपछि संसद भवन नयाँ बानेश्वरको ल्होत्से हलमा प्रचण्ड–नेपाल पक्षीय सांसदको भेला हुन लागेको हो ।

भेलामा सहभागिता जनाउन हालसम्म नेकपाका बहुमत सांसदहरू उपस्थित भइसकेका प्रचण्ड पक्षीय एक सांसदले लोकान्तरलाई जानकारी दिए ।

प्रतिनिधि सभामा नेकपाका १७३ सांसद रहेकोमा ९० बढी सांसदले उपस्थित भएर हस्ताक्षर गरेका दाबी गरिएको छ । थप केही सांसद आउनेक्रममा रहेका ती सांसदले जानकारी दिए ।

प्रधानमन्त्री ओलीको सिफारिसमा राष्ट्रपति विद्यादेवी भण्डारीले प्रतिनिधिसभा विघटन गरेपछिको अवस्थाबारे छलफल गर्न प्रचण्ड–नेपाल समूहले सांसदको भेला बोलाएको हो ।