३० जेठ २०८३, शनिबार
अनलाइन गेमका कारण युवाको दिमागमा नकारात्मकता बढ्दै गइरहेको छ । साथै अपराधिक गतिविधिलाई पनि बढावा दिइसकेको छ ।
अमेरिकाको डेट्रोइटमा एक यस्तै घटना सार्वजनिक भएको छ । जहाँ २९ वर्षका युवकले आफ्नै आमाको नाकको डाँडी भाँचेका छन् भने, चक्कुले हानेर सौतला बाबुको हत्या पनि गरेका छन् ।
क्रिस्टोफर मेक्किनी नामका युवाले आफ्ना सौतला बाबुको चक्कु प्रहार गरी हत्या गरेका हुन् ।
मिररको रिपोर्टअनुसार क्रिस्टोफर मेक्किनीका सौतला बाबुको उमेर ७१ वर्ष र आमाको उमेर ५५ वर्ष हो । दुवैलाई निद्रा लागिरहेको थियो । जसकारण उनीहरुले क्रिस्टोफरmलाई गेम लेख्नबाट रोकेका थिए ।
प्रहरीका अनुसार गेम खेल्न रोकेको भन्दै क्रिस्टोफर मेक्किनीले पहिलो पञ्च हानेर आफ्नी आमाको नाक फुटाए र फेरि चक्कुले हानेर सौतला बाबुको हत्या गरेका छन् ।
क्रिस्टोफरले पत्नीलाई बचाउनका लागि भान्साबाट चक्कुल लिएर आएका थिए । क्रिस्टोफरले सोही चक्कु खोसेर हमला गरे । त्यसपछि आमामाथि पनि हमला गरे । आमा गम्भीर घाइते भएकी छिन् ।
सौतला बाबुको घटनास्थलमै मृत्यु भएको प्रहरीले जनाएको छ । घाइती क्रिस्टोफरकमी आमाको अस्पतालमा उपचार भइरहेको छ ।
क्रिस्टोफरले प्रहरीबाट बच्नका लागि निकै भागदौड गरे । प्रहरीलाई उनको खोजी गर्न पनि निकै कठिन भएको थियो ।
