०९ साउन २०८३, शनिबार
नेपाल कम्युनिस्ट पार्टी (नेकपा) विभाजनको अवस्थामा पुगेको बेला आज बुधबार अध्यक्षद्वय पुष्पकमल दाहाल ‘प्रचण्ड’ र माधवकुमार नेपाल पक्षीय संसदीय दलको बैठक बस्दैछ ।
बुधबार बिहान साढे ११ बजे दलको बैठक बस्दैछ ।
दलको बैठक बसेर विकसित परिस्थितिबारे छलफल गरिने प्रवक्ता नारायणकाजी श्रेष्ठले जानकारी दिए । केन्द्रीय कमिटी बैठक भोलि बिहीवार बस्ने गरी निर्धारण गरिएको छ ।
मंगलवार बसेको प्रचण्ड–नेपाल पक्षीय केन्द्रीय कमिटीको बैठकले प्रधानमन्त्री केपी शर्मा ओलीलाई अध्यक्ष पदबाट हटाउँदै नेपाललाई अध्यक्ष मनोनित गरेको थियो ।
बुधवारको संसदीय दलको बैठकबाट समेत ओलीलाई दल नेताबाट हटाएर प्रचण्डलाई चयन गरिने नेकपा स्रोतले जनाएको छ ।
