अभिनेत्री गेल गेडोटको सुपरहिरो फिल्म ‘वण्डर वुमन १९८४’ रिलिज भइसकेको छ । डिसी कमिक्सको यो फिल्म भारतसहित सबै देशमा रिलिज भएको हो । अन्य देशमा आजदेखि रिलिज भएको फिल्म भारतमा हिजै रिलिज भएको हो । 

यो फिल्म देख्नका लागि हिजो बलिउड स्टार ऋतिक रोशन फिल्म हल नै पुगेका थिए । उनी आफ्नो पूरा परिवारको साथ बिहीबार फिल्म हेर्न पुगेका हुन् ।

ऋतिकका साथ उनको पूर्व पत्नी सुजैन खान र उनका दुई बच्चा पनि थिए । यसको जानकारी ऋतिक रोशन आफैंले यसबारे ट्वीटरमार्फत जानकारी दिएका हुन् । 

तस्वीर शेयर गर्दै उनले लेखेका छन्, ‘अहिले हामीले वण्डर वुमन देख्यौं । शानदार अनुभव रहेको छ । आइम्याक्सको अनुभवका साथ मेरो बाल्यकालकी क्रस (वण्डर वुमन) र मेरो पहिलो प्यार (फिल्म) को आनन्द आयो । यसभन्दा राम्रो पल अरु कुनै हुन सक्दैन । धन्यवाद गेड गडोट एक प्रफेक्ट वण्डर वुमन बनेकोमा । साथै फिल्मको पूरै टिमलाई बधाइ छ ।’

यसपछि ऋतिक रोशनको यस ट्वीटमा वण्डर वुमनले रिप्लाई दिएकी छन् । गेल गेडोटले रिप्लाई गर्दै लेखेकि छन्, ‘निकै खुसी लाग्यो कि तपाईलाई फिल्म राम्रो लाग्यो । तपाई र तपाईको परिवारलाई एक राम्रो होलिडेको शुभकामना ।’