नेकपाका अध्यक्ष पुष्पकमल दाहाल (प्रचण्ड)–माधव नेपाल समूहका नेताहरू काठमाडौंको माइतीघर मण्डलामा प्रदर्शन सकेर निर्वाचन आयोगतर्फ लागेका छन् ।

बिहान १० बजेदेखि झण्डै एक घण्टा मण्डलामा प्रदर्शन गरेका प्रचण्ड–नेपाल हिँड्दै मण्डलाबाट निर्वाचन आयोगतर्फ लागेका हुन् । 

मण्डलाबाट कान्तिपथस्थित निर्वाचन आयोगको दूरी झण्डै डेढ किलोमिटर छ । नेकपा केन्द्रीय सदस्य र विघटित प्रतिनिधि सभाका सदस्यहरू पनि र्‍यालीमा सहभागी छन् ।

आफूहरूसँग बहुमत सदस्य रहेकाले आधिकारिक नेकपाको दाबी प्रचण्ड–नेपाल समूहले गरेको छ । 

प्रतिनिधि सभा विघटनपछि नेकपा दुई चिरामा विभक्त भएको छ । 

प्रधानमन्त्री एवं नेकपा अध्यक्ष केपी शर्मा ओली समूहले पनि आधिकारिकताको दाबी सहित आयोगमा पत्र पठाइसकेको छ ।