२७ जेठ २०८३, बुधबार
चिनियाँ कम्युनिस्ट पार्टीका अन्तर्राष्ट्रिय विभागका उपमन्त्री गुओ एचौसहितको टोलीले नेकपा अध्यक्ष पुष्पकमल दाहाल ‘प्रचण्ड’सँग भेटवार्ता गरेको छ ।
प्रचण्डलाई भेट्न चिनियाँ टोली बिहान खुमलटारस्थित निवासमा पुगेको थियो । चिनियाँ टोली र प्रचण्डबीच पौने १० बजेदेखि भेटवार्ता शुरू भएको हो ।
चिनियाँ टोलीले प्रचण्ड–नेपाल समूहका अर्का अध्यक्ष माधवकुमार नेपालसँग पनि भेटवार्ता गर्ने कार्यक्रम रहेको नेकपा स्रोतले बतायो ।
प्रतिनिधि सभा विघटन तथा नेपालमा कम्युनिस्ट पार्टी विभाजनसम्मका घटनाक्रम भएका बेला चिनियाँ कम्युनिस्ट पार्टीको टोली आइतवार नेपाल आएको थियो ।
टोलीले राष्ट्रपति विद्यादेवी भण्डारीसँग हिजो साँझ भेटवार्ता गरेको थियो ।
