२६ जेठ २०८३, मंगलबार
साझा प्रकाशनको यही पुस २५ गते तय गरिएको २४ औँ साधारणसभामा अध्यक्षसहित तीन सञ्चालक सदस्यका लागि निर्वाचन प्रक्रिया शुरु भएको छ ।
निर्वाचनका लागि आज उम्मेदवारी दर्ता प्रक्रिया शुरु भएको छ भने यही पुस १५ गते उम्मेदवारको अन्तिम नामावली प्रकाशन गरिने निर्वाचन समितिका सदस्य–सचिव होमनाथ भट्टराईले जानकारी दिए ।
कूल एक हजार ४५७ अंशियार (शेयर सदस्य) रहेको भाषा–साहित्यको सो ऐतिहासिक संस्थाको नयाँ व्यवस्थानुसार सञ्चालक समितिको अध्यक्षमा पहिलो पटक निर्वाचन हुन लागेको हो ।
विगतमा नेपाल सरकारबाट संस्थामा अध्यक्षको नियुक्ति हुने गरेको थियो । तीन सञ्चालक सदस्यमध्ये एक महिला अनिर्वाय हुनुपर्नेछ । यसैगरी लेखा सुपरीवेक्षण समितिका एक संयोजक र दुई सदस्यका लागि निर्वाचन हुनेछ । उम्मेदवारबीच सहमति नभएमा यही पुस २१ गतेदेखि २४ गतेसम्म निर्वाचनका लागि समय निर्धारण गरिएको छ ।
संस्था आर्थिक रुपमा गिर्दाे अवस्थामा रहेकाले आपसमा मिलेर बचाउनुपर्ने भावनाका साथ सहमतिमा सञ्चालक समिति चयनका लागि अनौपचारिक पहल जारी रहेको जनाइएको छ ।
