२३ असार २०८३, मंगलबार
यस वर्ष बलिउडका लागि फिल्म निर्माणमा मात्रै होइन, कैयौं कलाकारको निधनले पनि उत्साहजनक देखिएन ।
कैयौं ठूला सेलिब्रेटीले आत्महत्या गरे भने, कैयौंको गम्भीर रोगका कारण मृत्यु भयो । यस्तै सोमबार एक अर्का फिल्म अभिनेताको मृत्यु भएको छ ।
तमिल फिल्म अभिनेता तथा डबिङ आर्टिस्ट अरुण अलेक्जेन्डरको मृत्यु भएको छ । ४८ वर्षको उमेरमा सोमबार उनको मृत्यु भएको भारतीय सञ्चारमाध्यमले जनाएका छन् ।
हृदयघातका कारण उनको मृत्यु भएको हो । फिल्म निर्देशक लोकेश नागराजले ट्वीट गर्दै अलेक्जेन्डरको मृत्यु भएको जानकारी दिएका हुन् ।
अरुणको अन्तिम फिल्म गत वर्ष निर्माण भएको ‘मास्टर’ आउँदो वर्ष रिलिज हुने भएको छ । जहाँ विजय मुख्य भूमिकामा देखिँदैछन् ।
तमिल फिल्म उद्योगका चर्चित कलाकार हुनुका साथै अरुणले कोलामाबु कोकिला, कैथी र बिगिल जस्ता फिल्ममा पनि काम गरेका छन् ।
यसवर्ष केवल हिन्दी फिल्म उद्योगमा मात्रै होइन, साउद फिल्म उद्योगले पनि कैयौं चर्चित कलाकारलाई गुमाएको छ ।
