२२ जेठ २०८३, शुक्रबार
सुर्खेत प्रहरीले लागुऔषध ओसारपसार तथा बिक्री वितरणमा संलग्न दुई महिलालाई पक्राउ गरेको छ ।
लागुऔषध कारोबार गरिरहेको भन्ने सूचनाका आधारमा वीरेन्द्रनगर नगरपालिका–८ बाट पक्राउ गरेको छ ।
वडा नम्बर ८ मा बस्ने शान्ति सिंहको घरमा खानतलासी गर्दा ब्राउनसुगरसहित उनीसहित कौशिला सिंहलाई पनि पक्राउ गरेको प्रहरीले जनाएको छ ।
मंगलबार राति १० बजेतिर शान्ति चसिंहको घरबाट १४ ग्राम ९७० मिलिग्राम ब्राउनसुगर र नेपाली रुपैयाँ २१ हजार ५ सयसहित दुवै जनालाई पक्राउ गरिएको हो ।
उनीहरु दुवै जना लागुऔषध कारोबारी भएको जिल्ला प्रहरी कार्यालय सुर्खेतले जनाएको छ ।
