०९ असार २०८३, मंगलबार
बलिउड अभिनेता अक्षय कुमारले अयोध्यामा राम मन्दिर निर्माणका लागि दान दिएको आइतवार बताएका छन् ।
सामाजिक सञ्जालमा उनले राम मन्दिर बनाउनका लागि सबैलाई योगदान गर्न आग्रह गरे ।
उनले भने, ‘अयोध्यामा श्रीरामको भव्य मन्दिर निर्माण शुरू भइसकेको छ । अब योगदान गर्ने पालो हाम्रो हो । मैले आरम्भ गरिसकें, तपाईं पनि जोडिनुहुनेछ भन्ने आशा छ । जय सियाराम ।’
भारतका राष्ट्रपति रामनाथ कोविन्दले केही समयअघि राम जन्मभूमि तीर्थ क्षेत्र ट्रस्टको एक प्रतिनिधिमण्डललाई भेटेर पाँच लाख भारुको चेक आफ्नो खाताबाट दिएका छन् ।
यसअघि ट्रस्टले अयोध्याको राम मन्दिर स्वदेशमै रहेका सर्वसाधारणबाट चन्दा उठाएर निर्माण गरिने घोषणा गरिसकेको छ ।
बहुत खुशी की बात है कि अयोध्या में हमारे श्री राम के भव्य मंदिर का निर्माण शुरू हो चूका है...अब योगदान की बारी हमारी है l मैंने शुरुआत कर दी है, उम्मीद है आप भी साथ जुड़ेंगे l जय सियाराम 🙏🏻 pic.twitter.com/5SvzgfBVCf
— Akshay Kumar (@akshaykumar) January 17, 2021
