१६ असार २०८३, मंगलबार
बेलायतमा पछिल्लो समय कोरोना भाइरस संक्रमण तीव्र भएको छ ।
डिसेम्बरमा कुल संक्रमितको दुई तिहाइमा नयाँ भाइरस पाइएको सरकारी तथ्यांकले देखाएको छ ।
बेलायतमा सेप्टेम्बरमा पहिलो पटक एक बिरामीमा नयाँ भाइरस संक्रमण पाइएको थियो । जसको पुष्टि भने अक्टोबरमा मात्रै भयो ।
लकडाउनको अवस्थामा अन्यत्र संक्रमण नियन्त्रण हुँदै गएपनि केन्ट क्षेत्रमा अस्वभाविक रुपमा बढेपछि वैज्ञानिकले अध्ययन थालेका थिए ।
यसबारे नयाँ नयाँ तथ्य उजागर हुने क्रम जारी छ ।
अहिलेसम्मको तथ्यांकलाई आधार बनाएर बेलायती वैज्ञानिकले बताएअनुसार नयाँ भाइरसको फैलावट तीव्र छ । सामान्य भाइरसको तुलनामा यो भाइरस ७० प्रतिशतभन्दा बढी तीव्र दरमा फैलिएको छ । अन्नपूर्ण पोस्ट दैनिकमा ध्रुवराज अर्यालले खबर लेखेका छन् ।
