कान्तिपुर दैनिकले प्रतिनिधिसभा विघटनविरुद्ध शुक्रबार प्रचण्ड–नेपाल समूहले गरेको जनप्रदर्शनलाई तस्बिरसहित मुख्य समाचार बनाएको छ । सोही पत्रिकाले कोरोनाविरुद्धको खोपको पहुँच सहज रुपमा जनताले कहिले पाउलान् भन्ने विषयमा समाचार पनि लेखेको छ । समाचारमा सबैको पहुँचका लागि दुई विकल्प अघि सारिएको छ–सरकारले नै आवश्यक मात्रामा खरिद गर्ने वा निजी क्षेत्रलाई पनि आयात र बिक्री गर्ने दिने । तर सरकार तत्काल निजी क्षेत्रलाई खोप आयात गर्न नदिने रणनीतिमा रहेको समाचारमा उल्लेख छ ।